Showing 85–96 of 151 results
Mucha muhé ku brio
$ 0,00 O.B Excl.Fls 0.00
Olivia George Ilustrashon di Randy DuBurke
Tomi ta un mucha muhé ku brio. Pero tin un kos ku di bèrdat e tin miedu di dje! Su amiga nobo lo por yud’é vense su miedu ?
Nanseli, unda bo ta kore bai ?
Fls 7.50
Thea Dubelaar i Gitte Spee
Nanseli tin purá. Mashá purá! E ta kore, hala rosea pisá i no ta para pa nada i niun hende. E no tin tempu pa kana bai kas huntu ku su amigunan. E no tin tempu pa para papia ku tio Jonas, nò, ni sikiera e tin tempu pa karisiá su baka un ratu. Tur hende ta keda wak e babuká. Ta kandela tin? Nanseli, unda bo ta kore bai ?
No dal mi!
$ 0,00 O.B Excl.Fls 0.00
Bernette Ford
E mucha hòmber ta rabiá ku su amigu.
Su amigu a dal e!
Kiko e muchanan lo hasi awor?
No yora kantu di laman
Fls 5.30
Misha ta insistí ketu bai ku tur kos ta oké: e tin 15 aña, e ta bunita, e ta bai bon na skol i Erik ku tin 17 aña ta stima é so!
Su doló di barika awor? Esei ta djis pa e miedu ku e tin di su mama severo i di redu den su bario Seru Cuna. Asta ora e yega serka e konsultor Dick via su amiga Carla, e ta keda hasi inosente. Of di bèrdat e ta inosente ora ta trata di sèks? Ku Erik e no por papia di esei. Erik ta ‘papia’ ku su kurpa so kuné. Ora porfin Misha haña sa e bèrdat tokante su mes serka Dick, ya demasiado kos a pasa kaba – anto niun hende no mag di sa kiko. Pero di e último enkuentro violento ku e tin ku Erik kantu di laman, i Erik su vengansa, e ta siña ún kos: nunka mas lo e hasi siegamente loke un mucha hòmber ke pa e hasi, maske hopi mucha hòmber ta pensa ku ta asina mester ta. E mester i lo e logra tambe – meskos el a logra di no yora nunka kantu di laman, pasobra esei ta trese mala suerte pa mucha muhé na Kòrsou.
Nos Barberia
$ 0,00 O.B Excl.Fls 0.00
Juwanda G. Ford-Williams
Ilustrashon di Jim Hoston
Kiko otro bo por haña den un barberia, banda di un pelá ? Buska moda di sa dikon e mucha den e kuenta akí ta gusta bai Nos Barberia…
Nos no ta hende mas/Den nòmber di tata
$ 6,87 O.B Excl.Fls 12.50
Albert Schoobaar (1970) ta un eskritor hóben ku obranan pa teatro moderno. El a debutá ku Nos no ta hende mas. E outor mes a fungi komo aktor prinsipal den su debut i tambe den e obra Den nòmber di tata. Ambos obra teatral a keda eksitosamente presentá na kasi tur skol sekundario na Kòrsou i Boneiru. Ta trata di teksto ku ta pone bo pensa. Na un manera penetrante e obranan ta trese diferente situashon penoso dilanti.
OPI
$ 16,49 O.B Excl.Fls 30.01
Elis Juliana
Elis Juliana (1927) ta un outor i artista multifasétiko, ku a risibí vários premio i kondekorashon. Komo pintor, eskultor , deklamadó i konosedó di kultura el a marka historia. E ta skirbi kuenta kòrtiku i poesia. Organisashon, Planifikashon, Independensia (OPI 1, 2, 3 i 4) ta konsistí di 152 poema i dibuho satíriko, ku ta pone un spil dilanti di su lesadónan. OPI ta eksponé un variedat di bisio i fayo di hende den nos komunidat. Su krítika skèrpi i sutil, ku un tono humorístiko i yen di ironia ta pika kueru!
Ortografia di Papiamentu – Buki di Instrukshon
$ 13,74 O.B Excl.Fls 25.01
Ortografia ta un kombenio pa skirbi un idioma na sierto manera. Esaki ta pa logra ku tur hende ta skirbi e idioma meskos, pa asina fasilitá lesamentu i skribimentu di e idioma.
Ortografia i Lista di palabra Papiamentu Buki di Oro
$ 16,49 O.B Excl.Fls 30.01
Ortografia i Lista di palabra Papiamentu ta un buki ku ta ofresé reglanan ofisial di nos ortografia, siguí pa un lista básiko ku ta kontené un kantidat di palabra di uso general na papiamentu. A duna e buki akí un nòmber di kariño, esta Buki di oro. Esaki ta djis pa indiká e balor altu ku idioma papiamentu tin pa nos tur komo idioma di uso general. E reglanan di ortografia i e lista i palabra tin ku aportá na uniformidat ora ta trata skirbimentu di papiamentu na benefisio di tur esnan ku ke lesa papiamentu fásilmente i skirbié na un manera korekto. E buki ta pa tur siudadano en general i partikularmente pa funshonario públiko, profeshonal, dosente i studiante i pa skol.
Pako, e makaku baldadi / Shon Kalu, e pushi lèrdu
$ 0,00 O.B Excl.Fls 0.00
Jan Everaerts
Pako, e makaku baldadi
Pako tabata un makaku kurpa chikí, di mas o ménos un mei meter. Riba un dia mi tabata serka mi wela sintá den adrei patras. Mi wela den su stul di zoya dilanti di e bentana ku ta habri pa kurá, kaminda e tabatin un bon bista riba Pako den su palu, Tan Chita tambe sintá ei ta gosa di su kòp’i kòfi ku su pida suk’i klenku banda di dje.
Den esei mi wela a dal un gritu: ‘Luisita, Pako ta lòs! Mi no ta mir’é mas den e palu, anto Chichi no ta na kas.’ ‘Ban, ban skonde den kamber’, Tan Chita a kontestá anshá.
Shon Kalu, e pushi lèrdu
Shon Kalu a krese bira un pushi mashá grandi, gordo. Su kabes tabata bastante grandi tambe. Henter dia e tabata drumi rèk kurpa den balkon patras ta ronka satisfecho den solo. Mashá floho mes Shon Kalu tabata. Ni pa grasia e no ta muf su kurpa kohe ún raton. I komo Shon Kalu a pasa floho bai, ta lèrdu e ta, pasobra ora un hende òf bestia ta dje floho ei ku e no ke ni muf su kurpa, nan ta yam’é lèrdu.
Palabra dushi
$ 0,00 O.B Excl.Fls 0.00
Un mainta Lola ta spièrta ku su boka yen di palabra dushi. Asina tantu palabra dushi ku su band’i kara ta bira bòl. Lola ke bisa su palabra dushinan, pero kada bes algu ta strob’é…
Perspectief Literair lezen 1 Proza
$ 20,53 O.B Excl.Fls 37.36
Het lezen, analyseren, interpreteren en evalueren van proza
Wim Rutgers, Ria Severing-Halman, Ronnie Severing
Het boek Perspectief is bedoeld voor de hoogste klassen van het voortgezet en het hoger beroepsonderwijs. Wie de inhoud nauwkeurig bestudeert en de opdrachten consciëntieus uitvoert, zal zich een competente lezer mogen noemen, die het zich heeft eigen gemaakt om zelfstandig literaire werken te kunnen begrijpen, te beoordelen en te evalueren.
Het boek Perspectief, literair lezen 1, proza, het lezen, analyseren, interpreteren en evalueren van proza is het eerste deel van de tweedelige methode voor literaire tekst analyse. Behandelt het eerste deel de verhaalkunst, het tweede deel stelt de dichtkunst, poëzie, centraal. Het deel proza bevat een tiental hoofdstukken met merendeels moderne literaire tekstfragmenten uit de canon van de Nederlandstalige literatuur van Nederland, Suriname en de Nederlands – Caribische eilanden. Elke paragraaf begint met een kort stukje theorie, telkens gevolgd door een prozatekst. Daarna zijn er taken die vragen bevatten, die weer opgedeeld zijn in de rubrieken beschrijving, verdieping en eindoordeel. De aanpak is gebaseerd op moderne literatuurbenaderingen en gaat uit van een literair communicatieschema.