Yomi ta gusta hasi deporte: hunga futbòl, kore baiskel i subi fli, pero su ruman hòmber grandi Dino sí ta hañ’é muchu chikí pa bai fèlt. P’esei Yomi ta pensa un plan. Si su plan logra, e ora ei sí Dino mester bai fèlt kuné.
Koko ta un bon gai. E ta stima su trabou mashá. E ta drumi asina solo baha, pasobra mainta tempran e ta kanta kokoyoko lanta tur hende for di soño. Tur e galiñanan ta respet’é, pero tras di su lomba nan ta papia riba dje. Nan ta bisa ku Koko ta kanta pòrnada, pasobra awendia pushi ku kachó tin wèker. Koko ta rabia mashá i ta disidí di stòp di kanta mainta. Kon ta hasi awor?
E buki akí ta trata responsabilidat. Komo adulto, nos sa ku nos ta responsabel pa sierto tarea. Mucha chikitu no ta komprondé e konsepto akí asina fásil. Meta di e buki akí ta pa yuda mucha komprondé, ku ora nan tin un tarea di hasi, ta nan responsabilidat – no di otro hende – pa hasié.
Un manera di usa e buki akí ta pa pidi mucha pa menshoná e responsabilidatnan ku nan tin tur dia i diskutí ku nan tokante importansia di hasi e tareanan akí. Puntra nan: ‘Kiko lo por sosodé si bo no hasi bo trabou?’
E kuenta ta di un palu presioso den un área di naturalesa bunita. E Palu Enkantá mes, e bestia- i matanan den besindario ta drenta pániko ora algun yagdó disidí di kap e palu. Pero di ripiente algu inesperá ta sosodé …
Un kuenta di La Guajira
Ántes, tempu ku animalnan tabata manera hende di awendia, mapuritenan tabata e mihó kuriosonan di Guajira. Un dia un mapurite ta sali bai biaha. Na kaminda e ta topa ku Konènchi ku ta gañ’é tres be i kita su sigánan for di dje. Un tiki lat e mapurite ta ripará ku e konènchi a ku’é kabes abou. Ku astusia e ta prepará un tabako spesial pa e konènchi baldadi.
This website uses cookies so that we can provide you with the best user experience possible. Cookie information is stored in your browser and performs functions such as recognizing you when you return to our website and helping our team to understand which sections of the website you find most interesting and useful.
Strictly Necessary Cookie should be enabled at all times so that we can save your preferences for cookie settings.
If you disable this cookie, we will not be able to save your preferences. This means that every time you visit this website you will need to enable or disable cookies again.
Reviews
There are no reviews yet.