Maria Diwan (1939) ta produktor i presentadó di e programa di radio Den kibrá di mardugá, ku tema literario i edukativo. Maria ta skirbi kuenta pa mucha i poesia. E ta un poeta pionero ku a ekspresá sintimentu íntimo di hende muhé den poesia. El a publiká kuenta den buki di Union Muhé Antiano (1979); poesia i kuenta den Chimichimi (1979), e tomo di poesia Suspiro (1989) i e buki di mucha Gabriela i e simianan di felisidat (1999), huntu ku Adriadne Faries i Diana Pinto.
E buki ta konsistí di seis kapítulo kada un ku un diferente tema. Na kuminsamentu di kada kapítulo por nota kiko lo skucha, papia, lesa i skibi i siña relashoná ku tal tema. Kada kapítulo tin kuater parti. E di kuater parti semper ta diferente i ta pa alumnonan ku ke sigui traha riba nan mes. Pa un bon pronunsiashon a graba tur teksto den Mosaiko riba kasèt òf CD pa por skucha nan.
Cola Debrot (1902-1981) ta un di nos eskritornan mas famoso. El a skibi na diferente idioma i a laga un obra ekstensivo atras. No solamente e tabata hurista i dòkter, sino tambe el a okupá diferente funshon importante manera minister i gobernador di Antia.
‘El a habri porta, dal un stap i un stap mas den su kamber, ma el a keda tene e kònòpi su tras i no a sera e porta. Den skuridat el a tende kon ketu e tabata drumi, ku rosea tené aden. Un kambio inesperá a tuma lugá den su sintimentu pa Maria. El a tende kon silensio tabata susurá, el a tende su mes sanger …’
E buki ta konsistí di kuater kapítulo kada un ku un tema diferente. Na kuminsamentu di kada kapítulo por nota kiko lo skucha i wak, papia, lesa i skibi i siña relashoná ku tal tema. Tur kapítulo tin sinku parti. E di sinku parti ta trata di fikshon, esta tekstonan literario. E buki ta sera ku un lista di palabra temátiko i un lista alfabétiko. Pa stimulá un bon pronunsiashon a graba tur teksto den Mosaiko riba un cd. Tambe tin un dvd ku ta kontené imágennan ku ta pertenesé na ehersisionan pa skucha i wak.
Elis Juliana (1927) ta un kuentista famoso, un poeta konosí i un konosedó di kultura. Elis Juliana a risibí entre otro Premio Cola Debrot na 1973 i 1977, Chapi di plata na 1986 i Zilveren Anjer na 2008.
Wazo, esta Elis Juliana, a keiru rònt Kòrsou, studia hende i opservá nan den nan bida diario. Den 121 kuenta, ku humor i ironia, Wazo ta deskribí vários forma di pensa, sinti i komportá di nos hendenan i di diferente otro nashonalidat ku a biba den su bario. Wazo riba ròndu ta respirá e ambiente i e papiá ku zjeitu di añanan sesenta di siglo 20 na Kòrsou.
This website uses cookies so that we can provide you with the best user experience possible. Cookie information is stored in your browser and performs functions such as recognizing you when you return to our website and helping our team to understand which sections of the website you find most interesting and useful.
Strictly Necessary Cookie should be enabled at all times so that we can save your preferences for cookie settings.
If you disable this cookie, we will not be able to save your preferences. This means that every time you visit this website you will need to enable or disable cookies again.
Reviews
There are no reviews yet.