Shon Morkoi ta un fábula enkantador pa mucha, hóben i hende grandi. E ta promové un komprenshon mas profundo di tera i nos relashon ku tur ser ku ta biba riba dje. E buki ta kombiná e mensahe konmovedor di Douglas Wood ku e arte elegante di Cheng-Khee Chee. Outor, artista i editor a keda konmové pa su espíritu spesial i nos ta spera ku nos lektornan tambe lo keda emoshoná pa Shon Morkoi su mensahe di pas.
P’esei Fundashon pa Planifikashon di Idioma no a duda ningun momentu ora el a skohe e obra akí pa tradusí na papiamentu den kuadro di su Proyekto di Tradukshon Literario, spesialmente pasobra ta trata di un obra ku a risibí asina tantu premio i ku a keda tradusí na diferente otro idioma tambe.
1993 Buki di Aña American Booksellers Association i 1993 Premio pa Buki di Mucha International Reading Association
Parti di e benefisio nan di Shon Morkoi ta bai pa proyekto ku ta promové sanashon ambiental i komprenshon internashonal.
Den e buki nan di kuenta 1 i 2 tin un kolekshon di kuenta ku ta ofresé un kantidat di kuenta original serka di e dies temanan di e método Salto, Método pa siña lesa na Papiamentu. E tekstonan ta rikamente ilustrá.
Kolofòn: Fundashon pa Planifikashon di Idioma (FPI) a desaroyá e método Salto, Método Salto pa siña lesa na Papiamentu, riba enkargo di gobièrnu di Kòrsou mediante SAE, ku finansiamentu di USONA.
Direkshon di proyekto: Dr. Ronnie Severing, lider di proyekto i Drs. Ria Severing- Halman, Koordinadó
Tur mucha ta tenta Ipo, djis pasobra e tin orea grandi. ‘Orea di pastechi’ i ‘orea di blach’i tuna’ nan ta yam’é. Su yùfrou di skol ta kastig’é pòrnada. Asta su rumannan mas grandi no ta lag’é na pas. Kansá i fadá Ipo ta keda kana rònt te atardi lat. E ta drenta mondi i ei e ta topa un para ku ta siñ’é bula. Ipo ke bula bai leu for di e muchanan ku ta tent’é. Lo e logra di bèrdat òf e mester buska otro manera pa skapa for di e tentamentu ei?
E buki akí ta trata rèspèt. Rèspèt ta un konsepto masha difísil pa splika mucha. Hopi promé ku mucha kuminsá komprondé kiko ta rèspèt. Ripitishon ta un tremendo manera pa siña esaki. E meta ta pa mediante ripitishon, siña, repasá i reforsá algun komportashon di rèspèt.
Un di e maneranan di lesa e buki akí den bos haltu pa otro mucha ta pa usa e patronchi di bisa i respondé. Lesa kuminsamentu di e frase i laga kada mucha terminá esaki bisando refran. Esaki ta yuda hasi e lesamentu agradabel i edukativo.
This website uses cookies so that we can provide you with the best user experience possible. Cookie information is stored in your browser and performs functions such as recognizing you when you return to our website and helping our team to understand which sections of the website you find most interesting and useful.
Strictly Necessary Cookie should be enabled at all times so that we can save your preferences for cookie settings.
If you disable this cookie, we will not be able to save your preferences. This means that every time you visit this website you will need to enable or disable cookies again.
Reviews
There are no reviews yet.