Shon Morkoi ta un fábula enkantador pa mucha, hóben i hende grandi. E ta promové un komprenshon mas profundo di tera i nos relashon ku tur ser ku ta biba riba dje. E buki ta kombiná e mensahe konmovedor di Douglas Wood ku e arte elegante di Cheng-Khee Chee. Outor, artista i editor a keda konmové pa su espíritu spesial i nos ta spera ku nos lektornan tambe lo keda emoshoná pa Shon Morkoi su mensahe di pas.
P’esei Fundashon pa Planifikashon di Idioma no a duda ningun momentu ora el a skohe e obra akí pa tradusí na papiamentu den kuadro di su Proyekto di Tradukshon Literario, spesialmente pasobra ta trata di un obra ku a risibí asina tantu premio i ku a keda tradusí na diferente otro idioma tambe.
1993 Buki di Aña American Booksellers Association i 1993 Premio pa Buki di Mucha International Reading Association
Parti di e benefisio nan di Shon Morkoi ta bai pa proyekto ku ta promové sanashon ambiental i komprenshon internashonal.
E buki akí ta trata honestidat. Honestidat por ta un konsepto un poko difísil pa mucha yòn komprondé, komo den algun kaso no ta kapas di mira esaki manera un adulto, den e fase di desaroyo ku nan ta. Ademas, nan ta na un nivel kaminda nan meta ta pa komplasé i pa no pèrdè kariño di e adultonan importante den nan bida. Hopi bes ora nan haña nan konfrontá ku un pregunta ku ta rekerí honestidat, esaki por bira un situashon di konflikto pa nan i nan ke hui for di esei ku un preteksto fantástiko.
Un manera di usa e buki akí ta pa krea situashon ku ta rekerí kontesta honesto i puntra: ‘Kiko abo lo hasi?’ Despues puntra: ‘Dikon bo ta kere esaki ta un bon skohensia?’
Un kuenta di tribu pemon
Riba un biahe largu un bich’i kandela ta topa un mata di bèshi mora ku ta trat’é ku mashá kariño i pidié pa kasa kuné. Pero e bich’i kandela no ke tende nada di kasamentu ku un mata asina bieu i korkobá. Despues di poko tempu e bich’i kandela ta bolbe topa ku e bèshi. Esaki a kambia bira un mata mashá bunita i e bich’i kandela ta sinti duele ku e no a kasa kuné.
This website uses cookies so that we can provide you with the best user experience possible. Cookie information is stored in your browser and performs functions such as recognizing you when you return to our website and helping our team to understand which sections of the website you find most interesting and useful.
Strictly Necessary Cookie should be enabled at all times so that we can save your preferences for cookie settings.
If you disable this cookie, we will not be able to save your preferences. This means that every time you visit this website you will need to enable or disable cookies again.
Reviews
There are no reviews yet.