ISBN: 978-99904-2-303-7
Compare
Resonansia
$ 5,50 O.B Excl.
Fls 10.01
Lucille Berry-Haseth (1937) ta konosí komo poeta, deklamadó, dosente traduktor di radio, amante di arte i promovedó di bon papiamentu. Resonansia (1990) ta su promé obra di poesia, siguí pa So ku palabra na 2010. Pa su kontribushon na enseñansa, kultura i bida sosial Lucille a risibí vários rekonosimentu. Entre otro a distinguié komo kabayero den órden di ‘Oranje Nassau’.
In stock
Related products
Mosaiko 2
$ 43,96 O.B Excl.Fls 80.01
E buki ta konsistí di seis kapítulo kada un ku un diferente tema. Na kuminsamentu di kada kapítulo por nota kiko lo skucha, papia, lesa i skibi i siña relashoná ku tal tema. Kada kapítulo tin kuater parti. E di kuater parti semper ta diferente i ta pa alumnonan ku ke sigui traha riba nan mes. Pa un bon pronunsiashon a graba tur teksto den Mosaiko riba kasèt òf CD pa por skucha nan.
Mi negrita, mi ruman
$ 9,62 O.B Excl.Fls 17.51
Cola Debrot (1902-1981) ta un di nos eskritornan mas famoso. El a skibi na diferente idioma i a laga un obra ekstensivo atras. No solamente e tabata hurista i dòkter, sino tambe el a okupá diferente funshon importante manera minister i gobernador di Antia.
‘El a habri porta, dal un stap i un stap mas den su kamber, ma el a keda tene e kònòpi su tras i no a sera e porta. Den skuridat el a tende kon ketu e tabata drumi, ku rosea tené aden. Un kambio inesperá a tuma lugá den su sintimentu pa Maria. El a tende kon silensio tabata susurá, el a tende su mes sanger …’
Hulanda mi ta bai
$ 8,24 O.B Excl.Fls 15.00
Eligio Melfor
Eligio Melfor (1940), seudónimo pa Julio Constantino Hermanus, ta eskritor di komedia popular. E ta konosí tambe komo aktor kómiko den su obranan i den diferente pelíkula. For di hóben el a skirbi i presentá vários komedia i fábula. Algun ta: Emansipashon di hende muhé, Beberin den polítika, Wan tres porta, Mi ta skohe bo nèshi, Bestia den polítika i Hulanda mi ta bai. E último akí a bati tur rekòr! Mas ku 150 presentashon na 2003/2004 di Hulanda mi ta bai a atraé míles di hende na Kòrsou, Aruba i Hulanda.
Pako, e makaku baldadi / Shon Kalu, e pushi lèrdu
$ 0,00 O.B Excl.Fls 0.00
Jan Everaerts
Pako, e makaku baldadi
Pako tabata un makaku kurpa chikí, di mas o ménos un mei meter. Riba un dia mi tabata serka mi wela sintá den adrei patras. Mi wela den su stul di zoya dilanti di e bentana ku ta habri pa kurá, kaminda e tabatin un bon bista riba Pako den su palu, Tan Chita tambe sintá ei ta gosa di su kòp’i kòfi ku su pida suk’i klenku banda di dje.
Den esei mi wela a dal un gritu: ‘Luisita, Pako ta lòs! Mi no ta mir’é mas den e palu, anto Chichi no ta na kas.’ ‘Ban, ban skonde den kamber’, Tan Chita a kontestá anshá.
Shon Kalu, e pushi lèrdu
Shon Kalu a krese bira un pushi mashá grandi, gordo. Su kabes tabata bastante grandi tambe. Henter dia e tabata drumi rèk kurpa den balkon patras ta ronka satisfecho den solo. Mashá floho mes Shon Kalu tabata. Ni pa grasia e no ta muf su kurpa kohe ún raton. I komo Shon Kalu a pasa floho bai, ta lèrdu e ta, pasobra ora un hende òf bestia ta dje floho ei ku e no ke ni muf su kurpa, nan ta yam’é lèrdu.
Reviews
There are no reviews yet.