Elis Juliana (1927) ta un outor i artista multifasétiko, ku a risibí vários premio i kondekorashon. Komo pintor, eskultor , deklamadó i konosedó di kultura el a marka historia. E ta skirbi kuenta kòrtiku i poesia. Organisashon, Planifikashon, Independensia (OPI 1, 2, 3 i 4) ta konsistí di 152 poema i dibuho satíriko, ku ta pone un spil dilanti di su lesadónan. OPI ta eksponé un variedat di bisio i fayo di hende den nos komunidat. Su krítika skèrpi i sutil, ku un tono humorístiko i yen di ironia ta pika kueru!
Philip Rademaker (1944) su promé tomo di poesia Bos di buriku a resultá un éksito. E eskritor ta konosí tambe komo aktor, deklamadó i pintor.
‘Mi ta kere den forsa di palabra. P’esei mes mi ke limitá nan uzo. Ingrediente stèrki ta uza tikitiki p’e kuminda no sali manera e famoso sòpi di Tia Meri. Pero hende ku mi ta apresiá i tin rèspèt pa nan opinion riba tereno literario a konvensé mi ku mi tin ku publiká. Ma … mi mente blo sunú bo dilanti? Ta pasobra ku su yamamentu den Kantika pa bientu Pierre Lauffer a pui mi konsenshi, m’a habri e yalusí akí pa bo lur paden.’
Teniendo kuenta ku tur eksigensia ku programa di èksamen ta indiká, a parti e buki den kuater kapítulo. E promé kuater kapítulonan ta referí na e kuater profilnan ku ta distinguí den enseñansa pa HAVO i VWO, esta ekonomia, komunidat, naturalesa i salubridat i kultura i komunidat. Na kuminsamentu di kada kapítulo por nota kiko lo skucha, wak, papia, lesa, skibi i siña relashoná ku tal tema. Tur kapítulo tin sinku parti. E di sinku parti ta trata fikshon, esta teksto literario. E buki ta sera ku un lista di palabra temátiko i un lista alfabétiko. Pa stimulá un bon pronunsiashon a graba tur teksto den Mosaiko riba un cd. Tambe tin un dvd ku ta kontené imágennan ku ta pertenesé na ehersisionan pa skucha i wak.
Maria Diwan (1939) ta produktor i presentadó di e programa di radio Den kibrá di mardugá, ku tema literario i edukativo. Maria ta skirbi kuenta pa mucha i poesia. E ta un poeta pionero ku a ekspresá sintimentu íntimo di hende muhé den poesia. El a publiká kuenta den buki di Union Muhé Antiano (1979); poesia i kuenta den Chimichimi (1979), e tomo di poesia Suspiro (1989) i e buki di mucha Gabriela i e simianan di felisidat (1999), huntu ku Adriadne Faries i Diana Pinto.
E buki ta konsistí di kuater kapítulo kada un ku un tema diferente. Na kuminsamentu di kada kapítulo por nota kiko lo skucha i wak, papia, lesa i skibi i siña relashoná ku tal tema. Tur kapítulo tin sinku parti. E di sinku parti ta trata di fikshon, esta tekstonan literario. E buki ta sera ku un lista di palabra temátiko i un lista alfabétiko. Pa stimulá un bon pronunsiashon a graba tur teksto den Mosaiko riba un cd. Tambe tin un dvd ku ta kontené imágennan ku ta pertenesé na ehersisionan pa skucha i wak.
This website uses cookies so that we can provide you with the best user experience possible. Cookie information is stored in your browser and performs functions such as recognizing you when you return to our website and helping our team to understand which sections of the website you find most interesting and useful.
Strictly Necessary Cookie should be enabled at all times so that we can save your preferences for cookie settings.
If you disable this cookie, we will not be able to save your preferences. This means that every time you visit this website you will need to enable or disable cookies again.
Reviews
There are no reviews yet.