ISBN: 978-99904-2-208-5
Compare
Nos no ta hende mas/Den nòmber di tata
$ 6,87 O.B Excl.
Fls 12.50
Albert Schoobaar (1970) ta un eskritor hóben ku obranan pa teatro moderno. El a debutá ku Nos no ta hende mas. E outor mes a fungi komo aktor prinsipal den su debut i tambe den e obra Den nòmber di tata. Ambos obra teatral a keda eksitosamente presentá na kasi tur skol sekundario na Kòrsou i Boneiru. Ta trata di teksto ku ta pone bo pensa. Na un manera penetrante e obranan ta trese diferente situashon penoso dilanti.
In stock
Related products
Mosaiko 3 VSBO
$ 43,96 O.B Excl.Fls 80.01
E buki ta konsistí di kuater kapítulo kada un ku un tema diferente. Na kuminsamentu di kada kapítulo por nota kiko lo skucha i wak, papia, lesa i skibi i siña relashoná ku tal tema. Tur kapítulo tin sinku parti. E di sinku parti ta trata di fikshon, esta tekstonan literario. E buki ta sera ku un lista di palabra temátiko i un lista alfabétiko. Pa stimulá un bon pronunsiashon a graba tur teksto den Mosaiko riba un cd. Tambe tin un dvd ku ta kontené imágennan ku ta pertenesé na ehersisionan pa skucha i wak.
Sale!
$ 8,74 $ 2,91 O.B Excl.
Fls 5.30
No yora kantu di laman
Fls 5.30
Misha ta insistí ketu bai ku tur kos ta oké: e tin 15 aña, e ta bunita, e ta bai bon na skol i Erik ku tin 17 aña ta stima é so!
Su doló di barika awor? Esei ta djis pa e miedu ku e tin di su mama severo i di redu den su bario Seru Cuna. Asta ora e yega serka e konsultor Dick via su amiga Carla, e ta keda hasi inosente. Of di bèrdat e ta inosente ora ta trata di sèks? Ku Erik e no por papia di esei. Erik ta ‘papia’ ku su kurpa so kuné. Ora porfin Misha haña sa e bèrdat tokante su mes serka Dick, ya demasiado kos a pasa kaba – anto niun hende no mag di sa kiko. Pero di e último enkuentro violento ku e tin ku Erik kantu di laman, i Erik su vengansa, e ta siña ún kos: nunka mas lo e hasi siegamente loke un mucha hòmber ke pa e hasi, maske hopi mucha hòmber ta pensa ku ta asina mester ta. E mester i lo e logra tambe – meskos el a logra di no yora nunka kantu di laman, pasobra esei ta trese mala suerte pa mucha muhé na Kòrsou.
Pako, e makaku baldadi / Shon Kalu, e pushi lèrdu
$ 0,00 O.B Excl.Fls 0.00
Jan Everaerts
Pako, e makaku baldadi
Pako tabata un makaku kurpa chikí, di mas o ménos un mei meter. Riba un dia mi tabata serka mi wela sintá den adrei patras. Mi wela den su stul di zoya dilanti di e bentana ku ta habri pa kurá, kaminda e tabatin un bon bista riba Pako den su palu, Tan Chita tambe sintá ei ta gosa di su kòp’i kòfi ku su pida suk’i klenku banda di dje.
Den esei mi wela a dal un gritu: ‘Luisita, Pako ta lòs! Mi no ta mir’é mas den e palu, anto Chichi no ta na kas.’ ‘Ban, ban skonde den kamber’, Tan Chita a kontestá anshá.
Shon Kalu, e pushi lèrdu
Shon Kalu a krese bira un pushi mashá grandi, gordo. Su kabes tabata bastante grandi tambe. Henter dia e tabata drumi rèk kurpa den balkon patras ta ronka satisfecho den solo. Mashá floho mes Shon Kalu tabata. Ni pa grasia e no ta muf su kurpa kohe ún raton. I komo Shon Kalu a pasa floho bai, ta lèrdu e ta, pasobra ora un hende òf bestia ta dje floho ei ku e no ke ni muf su kurpa, nan ta yam’é lèrdu.
Sale!
$ 4,37 $ 4,12 O.B Excl.
Fls 7.50
Bos di buriku
Fls 7.50
Philip A. Rademaker
Philip Rademaker (1944) su promé tomo di poesia Bos di buriku a resultá un éksito. E eskritor ta konosí tambe komo aktor, deklamadó i pintor.
‘Mi ta kere den forsa di palabra. P’esei mes mi ke limitá nan uzo. Ingrediente stèrki ta uza tikitiki p’e kuminda no sali manera e famoso sòpi di Tia Meri. Pero hende ku mi ta apresiá i tin rèspèt pa nan opinion riba tereno literario a konvensé mi ku mi tin ku publiká. Ma … mi mente blo sunú bo dilanti? Ta pasobra ku su yamamentu den Kantika pa bientu Pierre Lauffer a pui mi konsenshi, m’a habri e yalusí akí pa bo lur paden.’
Reviews
There are no reviews yet.