ISBN: 978-99904-2-100-2
Compare
Mosaiko 4 VSBO
$ 46,71 O.B Excl.
Fls 85.01
Teniendo kuenta ku tur eksigensia ku programa di èksamen ta indiká, a parti e buki den kuater kapítulo. E promé tres kapítulonan ta referí na e tres sektornan ku ta distinguí den enseñansa profeshonal sekundario, esta ekonomia, téknika i kuido i bienestar. E di kuater kapítulo ta ofresé èksamen pa e parti di lesamentu, pa asina alumno por praktiká riba nivel ku ta eksiguí. Na kuminsamentu di kada kapítulo por nota kiko lo skucha, wak, papia, lesa, skibi i siña relashoná ku tal tema. Tur kapítulo tin kuater parti. E di sinku parti ta trata fikshon, esta teksto literario. E buki ta sera ku un lista di palabra temátiko i un lista alfabétiko. Pa stimulá un bon pronunsiashon graba tur teksto den Mosaiko riba un cd. Tambe tin un dvd ku ta kontené imágennan ku ta pertenesé na ehersisionan pa skucha i wak.
In stock
Related products
Sale!
$ 4,37 $ 4,12 O.B Excl.
Fls 7.50
Bos di buriku
Fls 7.50
Philip A. Rademaker
Philip Rademaker (1944) su promé tomo di poesia Bos di buriku a resultá un éksito. E eskritor ta konosí tambe komo aktor, deklamadó i pintor.
‘Mi ta kere den forsa di palabra. P’esei mes mi ke limitá nan uzo. Ingrediente stèrki ta uza tikitiki p’e kuminda no sali manera e famoso sòpi di Tia Meri. Pero hende ku mi ta apresiá i tin rèspèt pa nan opinion riba tereno literario a konvensé mi ku mi tin ku publiká. Ma … mi mente blo sunú bo dilanti? Ta pasobra ku su yamamentu den Kantika pa bientu Pierre Lauffer a pui mi konsenshi, m’a habri e yalusí akí pa bo lur paden.’
OPI
$ 16,49 O.B Excl.Fls 30.01
Elis Juliana
Elis Juliana (1927) ta un outor i artista multifasétiko, ku a risibí vários premio i kondekorashon. Komo pintor, eskultor , deklamadó i konosedó di kultura el a marka historia. E ta skirbi kuenta kòrtiku i poesia. Organisashon, Planifikashon, Independensia (OPI 1, 2, 3 i 4) ta konsistí di 152 poema i dibuho satíriko, ku ta pone un spil dilanti di su lesadónan. OPI ta eksponé un variedat di bisio i fayo di hende den nos komunidat. Su krítika skèrpi i sutil, ku un tono humorístiko i yen di ironia ta pika kueru!
Mosaiko 3 VSBO
$ 43,96 O.B Excl.Fls 80.01
E buki ta konsistí di kuater kapítulo kada un ku un tema diferente. Na kuminsamentu di kada kapítulo por nota kiko lo skucha i wak, papia, lesa i skibi i siña relashoná ku tal tema. Tur kapítulo tin sinku parti. E di sinku parti ta trata di fikshon, esta tekstonan literario. E buki ta sera ku un lista di palabra temátiko i un lista alfabétiko. Pa stimulá un bon pronunsiashon a graba tur teksto den Mosaiko riba un cd. Tambe tin un dvd ku ta kontené imágennan ku ta pertenesé na ehersisionan pa skucha i wak.
Pako, e makaku baldadi / Shon Kalu, e pushi lèrdu
$ 0,00 O.B Excl.Fls 0.00
Jan Everaerts
Pako, e makaku baldadi
Pako tabata un makaku kurpa chikí, di mas o ménos un mei meter. Riba un dia mi tabata serka mi wela sintá den adrei patras. Mi wela den su stul di zoya dilanti di e bentana ku ta habri pa kurá, kaminda e tabatin un bon bista riba Pako den su palu, Tan Chita tambe sintá ei ta gosa di su kòp’i kòfi ku su pida suk’i klenku banda di dje.
Den esei mi wela a dal un gritu: ‘Luisita, Pako ta lòs! Mi no ta mir’é mas den e palu, anto Chichi no ta na kas.’ ‘Ban, ban skonde den kamber’, Tan Chita a kontestá anshá.
Shon Kalu, e pushi lèrdu
Shon Kalu a krese bira un pushi mashá grandi, gordo. Su kabes tabata bastante grandi tambe. Henter dia e tabata drumi rèk kurpa den balkon patras ta ronka satisfecho den solo. Mashá floho mes Shon Kalu tabata. Ni pa grasia e no ta muf su kurpa kohe ún raton. I komo Shon Kalu a pasa floho bai, ta lèrdu e ta, pasobra ora un hende òf bestia ta dje floho ei ku e no ke ni muf su kurpa, nan ta yam’é lèrdu.
Reviews
There are no reviews yet.