ISBN: 978-99904-2-100-2
Compare
Mosaiko 4 VSBO
$ 46,71 O.B Excl.
Fls 85.01
Teniendo kuenta ku tur eksigensia ku programa di èksamen ta indiká, a parti e buki den kuater kapítulo. E promé tres kapítulonan ta referí na e tres sektornan ku ta distinguí den enseñansa profeshonal sekundario, esta ekonomia, téknika i kuido i bienestar. E di kuater kapítulo ta ofresé èksamen pa e parti di lesamentu, pa asina alumno por praktiká riba nivel ku ta eksiguí. Na kuminsamentu di kada kapítulo por nota kiko lo skucha, wak, papia, lesa, skibi i siña relashoná ku tal tema. Tur kapítulo tin kuater parti. E di sinku parti ta trata fikshon, esta teksto literario. E buki ta sera ku un lista di palabra temátiko i un lista alfabétiko. Pa stimulá un bon pronunsiashon graba tur teksto den Mosaiko riba un cd. Tambe tin un dvd ku ta kontené imágennan ku ta pertenesé na ehersisionan pa skucha i wak.
In stock
Related products
Pako, e makaku baldadi / Shon Kalu, e pushi lèrdu
$ 0,00 O.B Excl.Fls 0.00
Jan Everaerts
Pako, e makaku baldadi
Pako tabata un makaku kurpa chikí, di mas o ménos un mei meter. Riba un dia mi tabata serka mi wela sintá den adrei patras. Mi wela den su stul di zoya dilanti di e bentana ku ta habri pa kurá, kaminda e tabatin un bon bista riba Pako den su palu, Tan Chita tambe sintá ei ta gosa di su kòp’i kòfi ku su pida suk’i klenku banda di dje.
Den esei mi wela a dal un gritu: ‘Luisita, Pako ta lòs! Mi no ta mir’é mas den e palu, anto Chichi no ta na kas.’ ‘Ban, ban skonde den kamber’, Tan Chita a kontestá anshá.
Shon Kalu, e pushi lèrdu
Shon Kalu a krese bira un pushi mashá grandi, gordo. Su kabes tabata bastante grandi tambe. Henter dia e tabata drumi rèk kurpa den balkon patras ta ronka satisfecho den solo. Mashá floho mes Shon Kalu tabata. Ni pa grasia e no ta muf su kurpa kohe ún raton. I komo Shon Kalu a pasa floho bai, ta lèrdu e ta, pasobra ora un hende òf bestia ta dje floho ei ku e no ke ni muf su kurpa, nan ta yam’é lèrdu.
Sale!
$ 4,37 $ 4,12 O.B Excl.
Fls 7.50
Suspiro
Fls 7.50
Maria Diwan
Maria Diwan (1939) ta produktor i presentadó di e programa di radio Den kibrá di mardugá, ku tema literario i edukativo. Maria ta skirbi kuenta pa mucha i poesia. E ta un poeta pionero ku a ekspresá sintimentu íntimo di hende muhé den poesia. El a publiká kuenta den buki di Union Muhé Antiano (1979); poesia i kuenta den Chimichimi (1979), e tomo di poesia Suspiro (1989) i e buki di mucha Gabriela i e simianan di felisidat (1999), huntu ku Adriadne Faries i Diana Pinto.
Caimin su sekreto
$ 0,00 O.B Excl.Fls 0.00
Diana Lebacs
E sustu ku tabata kima den su pechu tabata mes kayente ku e solo ku Caimin tabata para kushi den dje na port’i skol di De Tamarijn. E tabata soda pipita pa pipita. E tabata warda riba e deskonosí…
Caimin tin hamber! Mare su wela tabatin sèn pa kushiná kuminda kayente tur dia…
Nunka e no a kere ku lo el a sinti asina tantu falta di su mayornan. Nan a bai Hulanda pa buska un bida, pero nan no tabatin fin di manda pasashi p’e ku su ruman hòmber. Kon Caimin por yega na plaka?
E ora ei Caimin ta dal den Wòti. Wòti si sa kon.
E ta ofresé Caimin un djòp. Un djòp yen di aventura.
I masha peligroso tambe.
Of ta komprondé Caimin a komprondé Wòti robes?
Mosaiko 1
$ 43,96 O.B Excl.Fls 80.01
E buki ta konsistí di ocho kapítulo kada un ku un diferente tema. Na kuminsamentu di kada kapítulo por nota kiko lo skucha, papia, lesa i skibi i siña relashoná ku tal tema. Kada kapítulo tin kuater parti. E di kuater parti semper ta diferente i ta pa alumnonan ku ke sigui traha riba nan mes. Pa un bon pronunsiashon a graba tur teksto den Mosaiko riba kasèt òf CD pa por skucha nan.
Reviews
There are no reviews yet.