Holokousto durante i despues

Moshé Liba

Holokousto, durante i despues ta un kolekshon di poesia, ku ta duna un impreshon realístiko di atrosidatnan inkomparabel kometé kontra gruponan minoritario den guera. E poemanan ta laga sinti ki impakto e susesonan tabatin durante i te ainda tin despues riba sobrebibientenan di guera mundial último. Pa esei e tomo tin dos sekshon: durante i despues. E kontenido di e poemanan ta un realidat penetrante. E estilo sobrio di skirbi ta sutil i bunita.

Moshé Liba ta un diplomátiko di Israel i profesor universitario retirá, ku, banda di e tantísimo funshonnan internashonal ku el a okupá, a dediká su mes na arte i tambe na arte literario. El a skirbi entre otro e tomo di poesia Holokousto. E tin hopi publikashon riba su nòmber na diferente idioma, inkluyendo bintiocho kolekshon di poesia. Su obranan di arte el a eksponé rònt mundu. Moshé Liba a yega di bishitá Kòrsou vários biaha i partikularmente Snoa. Konosí ta su publikashon na Ladino ku ta trata influensia sefardí riba papiamentu.