Fiesta di Idioma E1

Shon Morkoi ta un fábula enkantador pa mucha, hóben i hende grandi. E ta promové un komprenshon mas profundo di tera i nos relashon ku tur ser ku ta biba riba dje. E buki ta kombiná e mensahe konmovedor di Douglas Wood ku e arte elegante di Cheng-Khee Chee. Outor, artista i editor a keda konmové pa su espíritu spesial i nos ta spera ku nos lektornan tambe lo keda emoshoná pa Shon Morkoi su mensahe di pas.
P’esei Fundashon pa Planifikashon di Idioma no a duda ningun momentu ora el a skohe e obra akí pa tradusí na papiamentu den kuadro di su Proyekto di Tradukshon Literario, spesialmente pasobra ta trata di un obra ku a risibí asina tantu premio i ku a keda tradusí na diferente otro idioma tambe.
1993 Buki di Aña American Booksellers Association i 1993 Premio pa Buki di Mucha International Reading Association
Parti di e benefisio nan di Shon Morkoi ta bai pa proyekto ku ta promové sanashon ambiental i komprenshon internashonal.

Un kuenta di La Guajira
Ántes, tempu ku animalnan tabata manera hende di awendia, mapuritenan tabata e mihó kuriosonan di Guajira. Un dia un mapurite ta sali bai biaha. Na kaminda e ta topa ku Konènchi ku ta gañ’é tres be i kita su sigánan for di dje. Un tiki lat e mapurite ta ripará ku e konènchi a ku’é kabes abou. Ku astusia e ta prepará un tabako spesial pa e konènchi baldadi.