Elmer su fènnan lo gusta e kuenta akí di tur hende su olefante favorito. E yagdónan ta bini i tur olefante ta preokupá. Elmer, e olefante teduki ta bini ku un plan pa nèk e yagdónan. Pero kos no ta sali manera e ta pensa…
Shervison, e figura prinsipal den e buki akí, ta biba na Kòrsou. Riba un dia nan ta bai bishitá un lanthùis bieu ku klas. Aya Nena ta biba, un pintor. Den bodega Shervison ku su Amigu Clint ta deskubrí algu bunita. Shervison ta hib’é kas. E ora ei e ta tende ku Nena a pèrdè algu. Ta e tesoro ku Shervison a haña.
Un kuenta di La Guajira
Ántes, tempu ku animalnan tabata manera hende di awendia, mapuritenan tabata e mihó kuriosonan di Guajira. Un dia un mapurite ta sali bai biaha. Na kaminda e ta topa ku Konènchi ku ta gañ’é tres be i kita su sigánan for di dje. Un tiki lat e mapurite ta ripará ku e konènchi a ku’é kabes abou. Ku astusia e ta prepará un tabako spesial pa e konènchi baldadi.
Shon Morkoi ta un fábula enkantador pa mucha, hóben i hende grandi. E ta promové un komprenshon mas profundo di tera i nos relashon ku tur ser ku ta biba riba dje. E buki ta kombiná e mensahe konmovedor di Douglas Wood ku e arte elegante di Cheng-Khee Chee. Outor, artista i editor a keda konmové pa su espíritu spesial i nos ta spera ku nos lektornan tambe lo keda emoshoná pa Shon Morkoi su mensahe di pas.
P’esei Fundashon pa Planifikashon di Idioma no a duda ningun momentu ora el a skohe e obra akí pa tradusí na papiamentu den kuadro di su Proyekto di Tradukshon Literario, spesialmente pasobra ta trata di un obra ku a risibí asina tantu premio i ku a keda tradusí na diferente otro idioma tambe.
1993 Buki di Aña American Booksellers Association i 1993 Premio pa Buki di Mucha International Reading Association
Parti di e benefisio nan di Shon Morkoi ta bai pa proyekto ku ta promové sanashon ambiental i komprenshon internashonal.
This website uses cookies so that we can provide you with the best user experience possible. Cookie information is stored in your browser and performs functions such as recognizing you when you return to our website and helping our team to understand which sections of the website you find most interesting and useful.
Strictly Necessary Cookie should be enabled at all times so that we can save your preferences for cookie settings.
If you disable this cookie, we will not be able to save your preferences. This means that every time you visit this website you will need to enable or disable cookies again.
Reviews
There are no reviews yet.