Showing 13–24 of 74 results
Elmer i Tawela Eldo
Fls 7.50
David Mckee
Elmer ta bai bishitá su Tawela Eldo. E ta haña mashá prèt pa kòrda Eldo tur e kosnan ku nan sa hasi huntu. Ma di bèrdat Eldo ta lubidá tantu manera Elmer ta pensa? E por ta bieu, pero al fin al kabo ta olefante e ta. I olefante no ta lubidá nunka. N’ ta asina ?
Otro buki di Elmer, e famoso olefante teduki ta: Elmer, Elmer riba staka.
Elmer riba staka
Fls 7.50
David Mckee
Elmer su fènnan lo gusta e kuenta akí di tur hende su olefante favorito. E yagdónan ta bini i tur olefante ta preokupá. Elmer, e olefante teduki ta bini ku un plan pa nèk e yagdónan. Pero kos no ta sali manera e ta pensa…
Gabriela i e simianan di felisidat
$ 0,55 O.B Excl.Fls 1.00
Maria Diwan, Ariadne Faries, Diana Pinto
Talbes nos tin ku kustumbrá ainda ku un mucha komo pionero. Gabriela ta ofresé nos e posibilidat ei. Un mucha muhé ku hopi kurashi ku sa ku e por salba su bario Marshibista di polushon i hasié limpi i kolorido bèk, ta logra ku yudansa di su pueblo i di naturalesa mes. Gabriela ta un bunita historia di aventura i fantasia pa rebibá naturalesa.
Pa mucha, mayor, edukadó, guiadónan en general e buki akí ta ofresé asina tantu material dushi pa kòmbersá ariba i sigui krese. E historia ta aplikabel pa Kòrsou … bon mirá pa henter mundu. Gabriela, un invitashon pa drenta milenio nobo kuidando naturalesa, ta stima bida. Abo tambe ?
Hulanda mi ta bai
$ 8,24 O.B Excl.Fls 15.00
Eligio Melfor
Eligio Melfor (1940), seudónimo pa Julio Constantino Hermanus, ta eskritor di komedia popular. E ta konosí tambe komo aktor kómiko den su obranan i den diferente pelíkula. For di hóben el a skirbi i presentá vários komedia i fábula. Algun ta: Emansipashon di hende muhé, Beberin den polítika, Wan tres porta, Mi ta skohe bo nèshi, Bestia den polítika i Hulanda mi ta bai. E último akí a bati tur rekòr! Mas ku 150 presentashon na 2003/2004 di Hulanda mi ta bai a atraé míles di hende na Kòrsou, Aruba i Hulanda.
Ipo, Orea grandi
$ 0,00 O.B Excl.Fls 0.00
Leo Regals
Ilustrashon di Suzet Rosaria
Tur mucha ta tenta Ipo, djis pasobra e tin orea grandi. ‘Orea di pastechi’ i ‘orea di blach’i tuna’ nan ta yam’é. Su yùfrou di skol ta kastig’é pòrnada. Asta su rumannan mas grandi no ta lag’é na pas. Kansá i fadá Ipo ta keda kana rònt te atardi lat. E ta drenta mondi i ei e ta topa un para ku ta siñ’é bula. Ipo ke bula bai leu for di e muchanan ku ta tent’é. Lo e logra di bèrdat òf e mester buska otro manera pa skapa for di e tentamentu ei?
Kanto na e Palu Enkantá
$ 13,46 O.B Excl.Fls 24.50
José Maria Capricorne
E kuenta ta di un palu presioso den un área di naturalesa bunita. E Palu Enkantá mes, e bestia- i matanan den besindario ta drenta pániko ora algun yagdó disidí di kap e palu. Pero di ripiente algu inesperá ta sosodé …
Katibu di Shon
$ 0,00 O.B Excl.Fls 0.00
Carel de Haseth
Carel de Haseth (1950) a publiká algun tomo di poesia manera Bida na koló i Poesia Venená. Pa su novela kòrtiku Katibu di shon el a risibí premio Cola Debrot 1989.
‘Awe tardi fiskal a bolbe interogá mi. Pober hòmber. Promé biaha ku nan a interogá mi, el a kere ku lo mi nenga su akusashonnan. El a kuminsá ku menasá di laga habraká mi si mi nenga di papia. El a bisa mi ku e lo duna òrdu pa laga rèk mi kurpa ku katròl i pone klèm na mi dedenan di man i di pia. M’a hari i m’a splik’é ku e no tin nodi di tuma tantu molèster. Ku mi no tin bèrgwensa di loke m’a hasi i ku si un dia mi bolbe haña chèns, lo mi hasi meskos atrobe.’
Koko ta un pal’i gai
$ 0,00 O.B Excl.Fls 0.00
Leo Regals
Koko ta un bon gai. E ta stima su trabou mashá. E ta drumi asina solo baha, pasobra mainta tempran e ta kanta kokoyoko lanta tur hende for di soño. Tur e galiñanan ta respet’é, pero tras di su lomba nan ta papia riba dje. Nan ta bisa ku Koko ta kanta pòrnada, pasobra awendia pushi ku kachó tin wèker. Koko ta rabia mashá i ta disidí di stòp di kanta mainta. Kon ta hasi awor?
Konènchi i Mapurite
Fls 5.30
Un kuenta di La Guajira
Ántes, tempu ku animalnan tabata manera hende di awendia, mapuritenan tabata e mihó kuriosonan di Guajira. Un dia un mapurite ta sali bai biaha. Na kaminda e ta topa ku Konènchi ku ta gañ’é tres be i kita su sigánan for di dje. Un tiki lat e mapurite ta ripará ku e konènchi a ku’é kabes abou. Ku astusia e ta prepará un tabako spesial pa e konènchi baldadi.
Kuenta pa kaminda
$ 10,99 O.B Excl.Fls 20.00
Pierre Lauffer
Pierre Antoine Lauffer (1920-1981) ta un outor prominente di Kòrsou. Su poemanan i kuentanan kòrtiku ta un aporte balioso na herensia literario di papiamentu. No ta pòrnada e premio prinsipal pa papiamentu yama Premio Bienal Pierre Lauffer, Chapi di plata. E kolekshon Kuenta pa Kaminda ta skirbí ku mashá grasia i humor. Na mes momentu e ta deskribí profundidat di bida di Kòrsou den su tempu.
Mami su kama
$ 0,00 O.B Excl.Fls 0.00
Sonia W. Black
Jennifer Kindert
Smyrna Martinus
E muchanan ta bisa ku mami su kama ta esun di mas dushi ku tin! Deskubrí dikon.