Showing all 8 results

Mi mes ta disidí!

$ 5,00 O.B incl.
Fls 9.10

David Parker

 

E buki akí ta trata kòntròl propio. Kòntròl propio, den un sentido general, ta un skohensia. Ora mucha mes por skohe, nan ta bira responsabel pa nan propio komportashon, enbes di laga otro hende bisa nan kon komportá. Ora empoderá mucha pa skohe na un manera kontrolá i nan kuminsá praktiká esaki, nan ta bai ripará ki efekto positivo esaki tin riba kon otro hende ta mira nan. I loke ta importante: kon nan ta mira nan mes.

Un manera di usa e buki akí ta pa yuda mucha bira konsiente di e skohensianan ku nan ta hasi kaba tur dia. Despues, mustra nan kon nan por hasi skohensia propio pagando nan disidí pa nan mes!

Out of stock

Mi por koperá!

$ 0,00 O.B incl.
Fls 0.00

David Parker

 

E buki akí ta trata koperashon. Komo adulto, nos sa ku nos tur tin e tarea di pone tur kos kana bon. E konsepto akí no ta resultá fásil pa mucha chikitu. Na e nivel di desaroyo akí ta fásil pa tira falta riba otro hende ora algu no sosodé òf bai robes. Meta di e buki akí ta pa yuda mucha komprondé kun an tin responsabilidat i ku ta keda na nan pa kumpli kuné.

Un manera di usa e buki akí ta pa kurashá e muchanan pa menshoná algun aktividat ku nan ta partisipá den dje. Duna komentario positivo riba nan komportashon koperativo.

Out of stock
Out of stock

Mi ta aseptá bo manera bo ta!

$ 0,00 O.B incl.
Fls 0.00

E buki akí ta trata aseptashon di diferensia ku tin den hende. Den e fase di desaroyo akí ta importante pa mucha rekonosé i aseptá ku tin diferensia den mucha di mes edat. Un konsepto esensial den e buki akí ta: aseptá e diferensia sin pèrdè bo propio identidat.
Laga e muchanan pensa riba similaridat i diferensia ku tin entre mucha di mes edat. Papia tokante esaki i pèrkurá spesialmente pa bisa nan ku e diferensianan ta hasi bida mas riku i ku nan no ta motibu pa no soportá otro.

Out of stock
Out of stock

Mi ta duna rèspèt!

$ 0,00 O.B incl.
Fls 0.00

David Parker

 

E buki akí ta trata rèspèt. Rèspèt ta un konsepto masha difísil pa splika mucha. Hopi promé ku mucha kuminsá komprondé kiko ta rèspèt. Ripitishon ta un tremendo manera pa siña esaki. E meta ta pa mediante ripitishon, siña, repasá i reforsá algun komportashon di rèspèt.

Un di e maneranan di lesa e buki akí den bos haltu pa otro mucha ta pa usa e patronchi di bisa i respondé. Lesa kuminsamentu di e frase i laga kada mucha terminá esaki bisando refran. Esaki ta yuda hasi e lesamentu agradabel i edukativo.

Out of stock

Mi ta generoso!

$ 5,00 O.B incl.
Fls 9.10

David Parker

E buki akí ta trata generosidat. Mucha na e edat akí ta típikamente den e fase egoséntriko di desaroyo. Nan ke sa: ‘Kiko tin pa mi?’  E mensahe ku mi ke duna nan ta, ku nan lo sinti nan mes bon ora nan hasi  algu pa otro hende. E buki akí ta duna ehèmpel di loke mucha por hasi pa otro hende na e momentu akí den nan bida.

Un manera di usa e buki akí ta pa pidi mucha pa pensa diferente manera ku nan por ta generoso. Yuda nan traha plan kiko hasi pa otro hende (famia, amigu, organisashon deskonosí pa yuda pa un bon kousa). Esaki lo kultivá serka nan un kustumber duradero di generosidat.

Out of stock

Mi ta papia bèrdat!

$ 0,00 O.B incl.
Fls 0.00

David Parker

E buki akí ta trata honestidat. Honestidat por ta un konsepto un poko difísil pa mucha yòn komprondé, komo den algun kaso no ta kapas di mira esaki manera un adulto, den e fase di desaroyo ku nan ta.  Ademas, nan ta na un nivel kaminda nan meta ta pa komplasé i pa no pèrdè kariño di e adultonan importante den nan bida. Hopi bes ora nan haña nan konfrontá ku un pregunta ku ta rekerí honestidat, esaki por bira un situashon di konflikto pa nan i nan ke hui for di esei ku un preteksto fantástiko.

Un manera di usa e buki akí ta pa krea situashon ku ta rekerí kontesta honesto i puntra: ‘Kiko abo lo hasi?’ Despues puntra: ‘Dikon bo ta kere esaki ta un bon skohensia?’

Out of stock

Mi ta responsabel!

$ 5,00 O.B incl.
Fls 9.10

David Parker

E buki akí ta trata responsabilidat. Komo adulto, nos sa ku nos ta responsabel pa sierto tarea. Mucha chikitu no ta komprondé e konsepto akí asina fásil. Meta di e buki akí ta pa yuda mucha komprondé, ku ora nan tin un tarea di hasi, ta nan responsabilidat – no di otro hende – pa hasié.

Un manera di usa e buki akí ta pa pidi mucha pa menshoná e responsabilidatnan ku nan tin tur dia i diskutí ku nan tokante importansia di hasi e tareanan akí. Puntra nan: ‘Kiko lo por sosodé si bo no hasi bo trabou?’

Out of stock

Mi ta un bon amigu!

$ 0,00 O.B incl.
Fls 0.00

David Parker

E buki akí ta trata amistat. Komo adulto nos sa ku amistat ta un kuestion di duna i tuma. E buki akí ta mustra ehèmpel kon mucha por anda ku otro den relashon di amistat.

Un manera di usa e buki akí ta pa puntra bo yu: ‘Kiko bo ke pa bo amigu hasi pa bo?’ Despues puntra: ‘Kiko abo ke hasi pa bo amigu?’. Papia tokante esaki, skohe algun meta huntu i fiha tempu pa bo yu kumpli ku e metanan akí.

Out of stock