Preguntanan frekuente

Na vários okashon tin siudadano ku pregunta tokante e servisionan ku FPI ta brinda. Aki ta sigui algun di e preguntanan ku ta bini dilanti frekuentemente.

Ta aseptá sèn kèsh?

Na ofisina di FPI no ta aseptá sèn kèsh for di aña 2016. Kada kliente ku presentá na bali por paga ku un tarheta di débito (Maestro).

Mi por konsultá si un palabra ta eksistí na papiamentu?

KLARO! Na FPI nos t’ei pa sirbi bo. Pa e motibu akí por bèl, mail òf pasa personal i nos lingwístanan ta kla pa kontestá bo pregunta òf aklará bo duda.

Si un buki ta aparesé komo "out of stock", mi por hasi pedido individual?

Nò, esaki no ta posibel. Solamente si e kliente ke hasi un pedido supstansial lo por yega na un akuerdo pa kompra di e buki spesífiko.

Mi ta mira florin i dòler. Kua valuta mi ta paga?

Si ta hasi pago ku karchi di débito ta paga na florin. Personanan ku ta paga ku tarheta di krédito ta paga na dòler.